Davide Van De Sfroos -- Ventanas
veent de segunda risma,
svolza la fòja ferma...
veent a cavàll de l'unda
ogni pees làssa che'l funda...
sbroja tùta la matassa,
quajcoss ciàpa quajcoss làssa...
tira tira drizz el fiil
e pò làssa che'l se rillàssa...
veent cunt'el pàss balòss
quell che vòri mea tirum via de dòss
slàrga el fiaa e bùfa in giir i stell,
lassa el to' disegn in sù la mia pell...
tirum via la smàgia
de la mia pagùùra
e scancela el pass
de quaand che gira l'ura...
porta via i suspiir
e dame indree i suriis
basa la muntagna
cunt i cavej griis....
neta la mia fàcia
neta la mia umbrìa
fàmm una carèzza
prèma de nà via....